Rusiya Prezidenti Vladimir Putinlə Avropa İttifaqı Şurasının prezidenti Şarl Mişel arasında telefon danışığı olub.
Bu barədə Kremlin mətbuat xidməti məlumat yayıb.
"Telefon danışığı zamanı Vladimir Putin Şarl Mişelin xahişi ilə Qarabağ üzrə 10 noyabr 2020-ci il və 11 yanvar 2021-ci il tarixli üçtərəfli sazişlərin müddəalarının həyata keçirilməsi, bölgədə dinc həyatın bərqərar olunması, o cümlədən Cənubi Qafqazda iqtisadi və nəqliyyat əlaqələrinin bərpası istiqamətində atılan addımlar barədə məlumat verib.
Sözügedən məsələlərin Rusiya Prezidenti Vladimir Putin, Ermənistanın Baş naziri Nikol Paşinyan və Azərbaycan pezidenti İlham Əliyev noyabrın 26-da Soçidə keçiriləcək görüşündə müzakirəsi planlaşdırılır”,- deyə qeyd olunub.
