Mən təsdiq edə bilərəm ki, Ermənistan Türkiyə ilə münasibətləri normallaşdırmağa vasitəçilik etməsi üçün Rusiyaya müraciət edib. Bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi brifinqdə bildirib.
“Rusiya Ermənistan-Türkiyə münasibətlərinin normallaşmasında maraqlıdır və iki ölkənin münasibətlərinin normallaşması prosesinə səy göstərib. Bizim ölkə bundan sonra da yardım etməyə hazırdır.
Bu prosesə başlanılması şübhəsiz ki, bütün regionda cəmiyyətin sağlamlaşmasına və mehriban qonşuluq və etimad mühitinin formalaşmasına kömək edərdi. İndi bu xüsusi ilə aktualdır. Bu istiqamətdə yeni məqamlar olacağı təqdirdə sizi məlumatlandıracağıq”, - Rusiya XİN rəsmisi vurğulayıb.
