ATƏT-in Minsk Qrupunun həmsədrləri (ABŞ-dan Endryu Şafer, Fransadan Bris Rökföy və Rusiyadan İqor Xovayev) regionda, o cümlədən Ermənistan-Azərbaycan sərhədində baş verən son insidentlərdən narahatlıqlarını ifadə ediblər.
Həmsədrlər tərəfləri gərginliyi azaltmaq üçün dərhal konkret addımlar atmağa çağırırlar.
“Həmsədrlər tərəfləri təxribat xarakterli hərəkətlərdən çəkinməyə və 10 noyabr 2020-ci il tarixli bəyanat və digər birgə razılaşdırılmış atəşkəs sazişləri üzrə öhdəliklərini tam yerinə yetirməyə çağırırlar".
Son zamanda gərginliyin artması Qarabağ münaqişəsi ilə bağlı və ya ondan irəli gələn bütün həll edilməmiş məsələlərin razılaşdırılmış, hərtərəfli və davamlı həllinin zəruriliyini vurğulayır”,- bəyanatda qeyd olunub.
