Noyabrın 16-da Ermənistan Respublikası Təhlükəsizlik Şurasının katibi Armen Qrigoryan Rusiya Federasiyasının Ermənistandakı səfiri Sergey Kopirkin ilə görüşüb.
Görüşdə Ermənistan-Azərbaycan sərhədindəki vəziyyət diqqət mərkəzində olub. Bu kontekstdə tərəflər Ermənistan-Azərbaycan sərhədinin demarkasiyası və delimitasiyası prosesinə tez bir zamanda başlamağın vacibliyini vurğulayıblar.
Görüş zamanı, əldə edilmiş razılaşmaların tam yerinə yetirilməsinə, əsirlər məsələsinə və yolların blokdan çıxarılması məsələsinə də toxunulub.
