Ermənistan Respublikası Parlamentinin “Mülki müqavilə” fraksiyasının rəhbəri Hayk Koncoryan bu gün Amerika Birləşmiş Ştatlarının Ermənistandakı fövqəladə və səlahiyyətli səfiri Lin Treysi ilə görüşüb.
Ermənistan-ABŞ Dostluq Qrupunun rəhbəri Hayk Koncoryan iki ölkə arasında münasibətlərdə parlamentlərarası əməkdaşlığın vacibliyini vurğulayıb. O, ABŞ-ın Ermənistanda demokratiyanın gücləndirilməsi üçün islahatlara dəstəyini yüksək qiymətləndirib.
Hayk Koncoryan Azərbaycanda saxlanılan erməni hərbi əsirlərin dərhal geri qaytarılması məsələsinə toxunub. Fraksiya rəhbəri Azərbaycanın noyabrın 8-də Şuşi yaxınlığında bir mülki şəxsin həlak olması, xeyli sayda insanın yaralanması ilə nəticələnən təxribat xarakterli əməllərindən də danışıb.
Görüşdə Dağlıq Qarabağ münaqişəsinin ATƏT-in Minsk qrupunun həmsədrliyi çərçivəsində sülh yolu ilə həlli məsələsi müzakirə olunub.
Lin Treysi qeyd edib ki, ABŞ Ermənistan hakimiyyəti ilə müxtəlif sahələrdə sıx əməkdaşlığı davam etdirəcək, parlamentlərarası əməkdaşlığı formatı isə səmərəli əməkdaşlığın dərinləşməsinə mühüm töhfə verə bilər.
