Ermənistan Avropa Şurasının Azərbaycan məsələsində aydın mövqe sərgiləyəcəyini, Azərbaycanda saxlanılan erməni əsirləri və digər mülki vətəndaşları geri qaytarması üçün həmin ölkəyə təzyiq göstərəcəyini gözləyir.
Bunu ədliyyə naziri Karen Andreasyan Avropa Şurasının Nazirlər Komitəsinin Demokratiya məsələləri üzrə Məruzəçilər Qrupunun sədri, İsveçin Avropa Şurasındakı daimi nümayəndəsi, səfir Marten Ehnberqin rəhbərlik etdiyi nümayəndə heyəti ilə görüşü zamanı deyib.
Nazir Andreasyan Ədliyyə Nazirliyində Avropa Şurasının yüksək rütbəli nümayəndələrini salamlayaraq, Avropa Şurasının Ermənistanın vacib tərəfdaşlarından biri olduğunu, əməkdaşlığın bir çox istiqamətlərdə davam etdiyini vurğuladı.
Nümayəndə heyətinin rəhbəri Marten Ehnberq, həyata keçirilən islahatlardan və planlaşdırılan proqramlardan məmnun olduğunu qeyd etdi.
