Ermənistanda son sutka ərzində 19360 test aparılıb, yeni növ koronavirus (COVID-19) infeksiyasına 1863 yoluxma halı qeydə alınıb, 935 nəfər sağalıb.
Dünən 41 nəfər koronavirusdan ölüb və bununla da Ermənistanda infeksiyaya yoluxaraq ölənlərin ümumi sayı 5754 nəfərə yüksəlib. Xəstədə koronavirus infeksiyası olduğu, lakin başqa bir xəstəlik səbəbilə öldüyü 1 ölüm hadisəsi qeydə alınıb. Belə halların ümumi sayı 1233-dür.
Ermənistan Səhiyyə Nazirliyinin məlumatına görə, ölkədə indiyə qədər koronavirusa yoluxanların ümumi sayı 280294 nəfərə çatıb.
Koronavirusa yoluxan 253146 nəfər sağalıb. Hazırda 20161 aktiv koronavirus xəstəsinin müalicəsi davam etdirilir. İndiyədək 1 874 598 test aparılıb.
