Türkiyə prezidenti Rəcəb Tayyib Ərdoğan amerikalı həmkarı Co Baydenlə digər məsələlər arasında Qarabağ mövzusunu da müzakirə edəcək. Bu barədə Türkiyə prezidentinin mətbuat katibi İbrahim Kalın "Milliyyət" qəzetinə müsahibəsində bildirib.
İki ölkə liderinin görüşü oktyabrın 30-31-də Romada "Böyük iyirmilik" sammiti çərçivəsində baş tutacaq.
“ABŞ-la siyasi, iqtisadi, energetika, təhlükəsizlik, terrora qarşı mübarizə, ticarət, müdafiə sənayesi, Əfqanıstan, Suriya, İraq, Qarabağ, Qafqaz, Liviya, Şəqri Aralıq dənizi, başqa bölgələr və qlobal məsələlərlə bağlı əlaqələrimiz var. Liderlər gündəliyin əsas məsələləri olaraq bunları müzakirə edəcəklər”.
