Rusiya Müdafiə Nazirliyindən verilən məlumata görə, Dağlıq Qarabağdakı Rusiya Sülhməramlı Qoşunlarının Humanitar Cavab Mərkəzinin hərbçiləri Xeyriyyə Fondları Assosiasiyası ilə birlikdə Çartar kəndində çoxuşaqlı ailələrə və məcburi köçkünlərə humanitar yardım göstəriblər.
Sülhməramlı kontingentin tibb dəstəsinin mütəxəssisləri ehtiyacı olan əhaliyə tibbi məsləhətlər veriblər.
Çartar Mədəniyyət Evində uşaqlara məktəb ləvazimatları və qış çəkmələri paylanıb.
“Ümumilikdə 360 nəfərə yardım edildi, 600 cüt ayaqqabı paylandı. Bundan əlavə, Rusiya sülhməramlı qoşunlarının tibbi dəstəsinin beş mütəxəssisi tərəfindən tibbi-konsultativ yardım göstərilmişdir. Ümumi qəbul 120 nəfərdən çoxdur”, - deyə Rusiya sülhməramlı qüvvələrinin nümayəndəsi Ruslan İvanov bildirib.
