İranın Azərbaycandakı səfiri oktyabrın 1-nə keçən gecə naməlum şəxslərin Bakıdakı səfirliyə qarşı aksiyası ilə bağlı etirazını bildirib.
Səfir Seyid Abbas Musəvi İRNA agentliyinə deyib: “Ötən gecə naməlum şəxslərin İran İslam Respublikasının Bakıdakı səfirliyinə hücumundan və hörmətsiz münasibətindən sonra Azərbaycan DİN dörd nəfərin kimliyini müəyyən edib və saxlayıb”. Səfir qeyd edib ki, səfirlik təqsirli şəxslərin cəzalandırılacağına ümid edir.
Qeyd edək ki, səfirlik binasının divarının yanına İranın milli bayrağının rənglərində üç aftafa qoyulmuşdu.
