Rusiya Mərkəzi Seçki Komissiyası (MSK) sentyabrın 17-dən 19-dək Dövlət Dumasına keçirilmiş seçkilərə bugünkü iclasında yekun vurub və seçkinin nəticələrini təsdiqləyib.
Nəticələrə dair protokolları MSK-nın 15 üzvünün hamısı imzalayıb.
Seçkinin nəticələrinə əsasən, hakim “Vahid Rusiya” partiyası səkkizinci çağırış Dövlət Dumasında 324 mandat qazanıb (2016-cı ildə keçirilmiş seçkilərdə 343 mandat).
Rusiya Federasiyası Kommunist Partiyası 57, “Ədalətli Rusiya – Vətənpərvərlər – Həqiqət naminə” partiyası 27, Rusiya Liberal Demokrat Partiyası 21, “Yeni insanlar” partiyası isə 13 mandat əldə edib. Daha bir neçə partiya Dumada bir mandatla təmsil olunacaq.
Bundan başqa, öz namizədliyini irəli sürmüş beş nəfər də yeni parlamentə keçə bilib.
