ER Təhlükəsizlik Şurasının katibi Armen Grigoryan Dağlıq Qarabağ münaqişəsinə toxunub. O qeyd etdi ki, Dağlıq Qarabağ münaqişəsinin həlli üçün yeganə mümkün platforma ATƏT-in Minsk qrupudur.
“Bütün üç həmsədr ATƏT-in Minsk qrupu çərçivəsində danışıqların bərpa edilməli olduğunu bəyan ediblər. ATƏT-in Minsk Qrupu çərçivəsində bir vacib məsələ - status məsələsi müzakirə olunmalıdır. Dağlıq Qarabağ münaqişəsi həll olunmayıb və status məsələsi öz həllini gözləyir. Bu həlli ATƏT -in Minsk qrupu çərçivəsində görürük ",- o deyib.
Qrgigoryan qeyd etdi ki, Dağlıq Qarabağ münaqişəsi ərazi mübahisəsi deyil, həmişə xalqların öz müqəddəratını təyin etmək məsələsi olub.
“Dağlıq Qarabağ münaqişəsi hər zaman xalqların öz müqəddəratını təyin etmə məsələsi olub və bu, xalqların öz müqəddəratını təyin etmək hüququ çərçivəsində həll edilməlidir”,- Qrigoryan vurğuladı.
