Ermənistan Respublikasının Prezidenti Armen Sargsyan Amerika Birləşmiş Ştatlarının Prezidenti Cozef Baydenə ABŞ-da törədilən terror aktının 20-ci ildönümü münasibətilə mesaj göndərib.
Prezident Sargsyanın mesajında qeyd edilir ki, Ermənistan terror aktlarının bütün təzahürlərini qəti şəkildə pisləyir, azadlıq və sülh ideyalarını müdafiə etmək üçün Amerika xalqının yanındadır.
“Tarix boyu əzab və faciələr ölkəmizin taleyi olub, bu ağrının nə qədər dözülməz ola biləcəyini bilirik. Əminik ki, bütün sivil xalqlarla birlikdə terrora qarşı mübarizə apara bilərik. Terrorizm və digər zərərli əməllər dünyamızda olmamalıdır. Ermənistan artıq bu beynəlxalq mübarizəni dəstəkləmək sadiqliyini nümayiş etdirib.
Ümumi tarix, dəyərlər və baxışlar iki ölkə arasındakı əlaqələri gücləndirmək və əməkdaşlığı dərinləşdirmək üçün möhkəm bir əsasdır. Ermənistan-Amerika münasibətləri həmişə qarşılıqlı hörmətə, ümumi fikirlərə və daha firavan gələcək üçün güclü inama əsaslanıb",- deyə mesajda vurğulanır.
