Ermənistan Respublikası Səhiyyə Nazirliyi, Fransa Prezidentinə və Fransanın Ermənistan Respublikasındakı səfirinə COVID-19 ilə mübarizədə Ermənistana göstərdikləri dəstəyə görə təşəkkürünü bildirib.
"Fransa Prezidenti Emanuel Makrona, Fransanın Ermənistandakı Fövqəladə və Səlahiyyətli Səfiri Conatan Lakota qlobal COVID-19 epidemiyasına qarşı mübarizədə Ermənistana dəstəyə görə dərin təşəkkürümüzü bildiririk.
Kütləvi peyvənd epidemiyanın növbəti dalğasına müqavimət göstərmək üçün ölkəmizin, ümumiyyətlə, dünyanın gündəmində mühüm rol oynayır.
Fransa hökumətinin Ermənistana 200 min dozada vaksin bağışlamaq qərarı bir daha Ermənistan-Fransa münasibətlərinin möhkəm olduğunu və səfirlərin bu prosesə töhfəsini göstərir.
Ümid edirik ki, birgə səylər nəticəsində epidemiyanı aradan qaldırmaq mümkün olacaq", - deyə nazirliyin açıqlamasında deyilir.
