Avqustun 3-də İran İslam Respublikasının Ermənistan Respublikasındakı fövqəladə və səlahiyyətli səfiri Abbas Bədəxşan Zohuri, İran İslam Respublikasının Ermənistan Respublikasındakı səfirliyinin hərbi attaşesi, polkovnik Bəhmən Sadeğin ER MN nümayəndələrinin müşayiəti ilə Geğarkunik bölgəsini ziyarət edib.
Hərbi hissənin komandiri, general-mayor Arayik Harutyunyan səfirə Ermənistan-Azərbaycan sərhədindəki vəziyyət barədə məlumat verib, bundan sonra Verin Şorja sərhədinə səfər təşkil edilib.
İİR-nin Ermənistan Respublikasındakı fövqəladə və səlahiyyətli səfiri, iki ölkə arasındakı sərhəd mübahisələrinin davam etməsindən narahatlıq ifadə edərək, hər iki tərəfin təmkinli olmasının və iki ölkə arasındakı mübahisələrin sülh yolu ilə həll edilməsinin vacibliyini vurğulayıb. O, son toqquşmalar nəticəsində həlak olan hərbçilərin ailələrinə başsağlığı verib.
Səfir Zohuri, bütün tərəflərin beynəlxalq səviyyədə tanınmış sərhədlərə hörmətlə yanaşmalarının zəruriliyini qeyd edərək söyləyib ki, Cənubi Qafqazda yerli sülhün təmin edilməsi bölgə xalqlarının maraqlarına uyğundur və İran İslam Respublikasının bölgədə yerli sülhün bərqərar olmasına kömək etməyə hazır olduğunu bildirib.
