BMT-nin İnsan Hüquqları Şurasının 47-ci sessiyasında Beynəlxalq İnsan Hüquqları Evi Fondu Azərbaycanda hüquqşünaslar üçün vəziyyətin pisləşməsinə toxunub. “Turan” agentliyi bildirir.
Təşkilatın bu forumda yayılmış bəyanatında deyilir ki, bir sıra ölkələrdə hüquqşünaslara - hüquq müdafiəçilərinə qarşı təhdid və ya hücumlar da daxil olmaqla, ədalətli mühakimə sistemi sarsılıb.
Azərbaycan pandemiyadan hüquqşünaslara – hüquq müdafiəçilərinə qarşı təzyiqin gücləndirilməsi üçün istifadə edib, Avropa İnsan Hüquqları Məhkəməsinin qərarlarının yerinə yetirilməməsinə bəraət kimi karantindən faydalanıb. Bundan başqa, insan hüquqları üzrə vəkillərin təqibi və vəkillik hüququndan məhrum edilməsi davam edir.
Şura və Xüsusi Məruzəçi bildirib ki, Azərbaycanda vəkil statusundan bu cür məhrumetmə qəbuledilməzdir.
