ER-nın AŞPA-dakı nümayəndə heyətinin üzvü, Parlamentin deputatı Naira Zohrabyan AŞPA-da yenə erməni hərbi əsirlər məsələsini qaldırdığını bildirib. Deputat Avropa qurumlarını Azərbaycana qarşı sərt sanksiyalar tətbiq etməyə çağırıb, “çünki Azərbaycan beynəlxalq təşkilatların qəbul etdiyi bəyanatların, müraciətlərin, qətnamələrin dilini başa düşmür, bu ölkə ilə açıq sanksiyalarla danışmaq lazımdır”.
“Avropa Şurasına Azərbaycan nümayəndə heyətinin Avropa Şurasındakı səlahiyyətlərinin dayandırılması, habelə Əliyevin, ailəsinin və Azərbaycanın siyasi elitasının Avropa bank hesablarının bloklanması üçün müvafiq beynəlxalq təşkilatlara müraciət etməyi təklif etdim.
Təbii ki, Azərbaycan nümayəndə heyətinin üzvü Tural Gəncəliyev çıxışıma cavab verdi və janr qaydalarına görə bir daha məni Mingəçevir su anbarının bombalanmasına çağıran terrorçu-təxribatçı olmaqda günahlandırdı.
Azərbaycan yalan və dezinformasiya yaymaq üçün Avropa strukturlarından istifadə etməyə və erməni hərbi əsirlərin geri qaytarılmasını bir çox ilkin şərtlərlə şərtləndirməyə davam edir. Bu qəbuledilməzdir.
Yalnız bu ölkəyə qarşı konkret sanksiyalar vəziyyəti dəyişdirə bilər”,-Naira Zohrabyan qeyd etdi.
