ER Baş naziri vəzifəsini icra edən Nikol Paşinyan bu gün Təhlükəsizlik Şurasının iclasını çağırıb.
“Artıq ikinci gündür ki, Syunik bölgəsinin Sev (Qara) gölü ətrafında və yaxınlığında təhlükəli vəziyyətdir. Səbəb odur ki, Azərbaycan silahlı qüvvələrinin hərbi qulluqçularının bəzi qrupları Ermənistanın dövlət sərhədini keçərək Sev gölünü mühasirə almaq üçün tədbirlər görüb. ER Silahlı Qüvvələri taktiki əks tədbirlər həyata keçirib. Bəzi bitişik ərazilərdə yerləşən azərbaycanlılar silahlı qüvvələrimizin taktiki əks hücumları nəticəsində yerləşdirilmiş mövqeləri tərk edib. Bu günə qədər nə Ermənistan, nə də Azərbaycan silahlı qüvvələri tərəfindən odlu silah və ya digər silah istifadəsi hadisəsi qeydə alınmayıb. Bununla birlikdə, Azərbaycan silahlı qüvvələrinin təxminən 250 üzvü hələ də Syunik və Geğarkunik bölgələrinin bəzi hissələrində dövlət sərhədlərimizin daxilində olmağa davam edir. Vəziyyətin hərtərəfli və dərindən qiymətləndirilməsi açıq şəkildə göstərir ki, azərbaycanlıların etdikləri təxribatdır və onun daha geniş hərbi-siyasi hədəfləri ola bilər. Yəni azərbaycanlılar bu ərazidə Ermənistan-Azərbaycan sərhədini yerli problemləri həll etmək üçün deyil, hərbi qarşıdurmaya təhrik etmək üçün keçmiş ola bilərlər”- Paşinyan bəyan edib.
Onun qənaətincə, mövcud vəziyyət KTMT Müqaviləsinin 2-ci maddəsinə tamamilə uyğundur. Paşinyan Xİ naziri vəzifəsini icra edən Avyazyana və TŞ katibinə KTMT üzv ölkələrinin mövqelərini əlaqələndirmək və təhlükəni aradan qaldırmaq üçün tədbirlər görmək üçün KTMT Müqaviləsinin 2-ci maddəsinə əsasən məsləhətləşmələrə başlamaq üçün tədbirlər görməyi tapşırıb.
