Partlamamış hərbi sursatın zərərsizləşdirməsi ilə məşğul olan “HALO Trust” adlı ingilis şirkəti, müharibə ərzində və yaxud ondan əvvəl türk qüvvələrinə minalanmış ərazilərin xəritəsini təqdim etdiyinə dair xəbərləri təkzib edib.
Bu barədə şirkətin yaydığı məlumatda deyilir.
Məlumatda qeyd olunur ki, “HALO Trust” 20 ildən çoxdur ki, yerli əhalinin həyatını daha təhlükəsiz etmək üçün Qarabağda iş aparır və siyasi olmayan, bitərəf bir şirkət olduğu üçün bütün dünyada münaqişə bölgələrində işləyir.
“Bu iddia tamamilə yalandır”,deyə məlumatda vurğulanır.
